Land Revenue & Settlement Minister Pu JH. Rothuama chuan vawiin khan Kolasib-a ASO office a tlawh a. Hna thawktute hmaa thu sawiin Department chuan hma nasa tak a sawn tawhin kawng tamtakah tan lak erawh ala ngai a ni, a ti a. Ram leh mipui rawngbawltu an nih theihnghilh ngai lo tur leh rintlak taka hna thawk fo turin a chah a ni.

Pu Lalchungnunga, ASO leh a hnuaia hnathawkte hian an Department hmasawnna tura rawtna hrang hrangte Minister hnenah hian anlo thlen a. Chungte chu a tul ang anga hmalakpui a tum thu Pu Rothuama hian a hrilh a ni.

Minister ruala Kolasib tlawha rawn kal Pu John Rotluangliana, Dy. Speaker pawhin he hunah hian thu sawiin Revenue chu sawrkar hnaa ban pawimawh tak a nih thu leh thawktute inpek tharna a tul zia a sawi a ni.

Pu J.H. Rothuama leh Pu John Rotluangliana te hian nimin khan Tuirial Hydel Project, power 80 MW. pe chhuak thei tur thawh mek chu an tlawh a. Hemi hnu hian Serlui B. Hydel Project an tlawh leh a. Nizan khan Kolasib-ah riakin vawiin vek khan Aizawl an pan a ni.

Attachment

  • Loading attachment...