Vawiin khan Pu Romawia, Land Revenue & Settlement Minister kaihruaina hnuaiah Land Reforms (NEDP) chungchang Conference Hall, Directorate of Land Revenue & Settlement, Khatla-ah committee neih a ni. Committee-ah hian ram then fel dan leh ram hlut dan tehna chungchangte leh hmasawn nana ram hman tangkai zawk theihna dan tur te sawi ho a ni.

He committee-ah hian Pu John Siamkunga, MLA, Pu H.Liansailova (IAS Retd.), Ex-MLA, Pu R.L Rinawma, IRS (Retd.) leh expert member dangte an tel a, dan lam kaihhnawih thil te a nih avangin Mizoram Bar Association lam pawhin an telpui a ni.