Vawiin chawhma khan ‘One Week Training of Surveyor under Land Revenue & Settlement Office’ Settlement Officer Pu Vanlalchhuanawma Chawngthu pisaah hawnna hun hman niin Pi Sangchhin Chinzah, DC Kolasib chu khuallian a ni.

Khuallian Pi Sangchhin Chinzah chuan Ramri chian loh avanga buaina hrang hrangte pumpelh a nih theih nan chhinchhiahna tha leh rintlak mamawh a nih thu sawiin,” Ramri chhinchhiahna rintlak neih nana pawimawh berte chu Surveyor thiam leh rintlakte an ni” a ti. Khuallian chuan Surveyor-te chu an sulhnu te felfai tur leh, ennawntlak leh entawntlakin hna an thawh a tul thu a sawi a, chumi titur chuan tunlai thiamna mil a hmanraw chi hrang hrang siamchhuah te hmangthiam tur a an inzir a tul thu a sawi.

Vawiin training hawnna hun hi Pu Vanlalchhuanawma Chawngthu, Settlement Officer in kaihruaiin Kolasib khawchhung bik a LSC awmte chu tul hrang hrang avanga enlet a ngaihin awmsam zawk a endik a nih theih nan MS Exel hmanga chhut luh mek a nih thu a sawi a, Surveyor te training hi ramri chhinchhiahna rintlak leh felfai zawk buatsaihna kawng a thil pawimawh tak a nih thu a sawi bawk.

Training ah hian GPS Observation, Downloading and Process, Detail Survey by using Total Station, Drawing by using Computer, Survey method Real Time Kinematic using GPS leh Detail Survey without Known Coodinates tih te zirna leh a tak a tihchhinna neih tur a ni.