Land Revenue & Settlement Office dawrtu mi thahnem tham tak office hun chhunga an awm thin avang leh Novel Coronavirus natna hi awlsam taka inkaichhawn theih a nih avangin Mizoram Sawrkar chuan he natna laka him tlanna tur ngaihtuahin Department hnathawh dan a her danglam.
Directorate leh District Office te hi March ni 31, 2020 thlengin ram dilna, ram neitu hming thlak, pass renew, surveyor detailment thar siam, ram chhiah pek leh document registration chungchangah te hian mi tumahin dawr rih loh tur a ni a. Mortgage Deed registration erawh chu hemi chungchanga office dawrtuten COVID-19 inkai darh theihna laka invenna atana tih tur officer leh staff ten an kawhhmuh ang zawmin, buaipui chhunzawm zel tur a ni ang.
Thil awm dan a zirin he inkharkhip hun chhung hi pawh sei belh theih a ni a. He thupek hi hlih a nih hunah he thupek zawm avanga pass renew, ram chhiah pek leh document register tlai phahte tan penalty/fine chawi belh lova fee leh tax te an pek dan tur ruahmanna siam a ni ang.
