4136/2024-2025

Aizawl, the 7th February, 2025: Mizoram Larsap Gen (Dr) Vijay Kumar Singh, PVSM, AVSM, YSM (Retd) chuan vawiin khan Circular Lawn, Raj Bhavan-ah 23 Sector Assam Rifles hnuaia awm, 2 Assam Rifles Battalion leh 42 Assam Rifles Battalion-te hnenah hnathawh that chawimawina Governor's Unit Citation a hlan.

Larsap Gen (Dr) Vijay Kumar Singh, PVSM, AVSM, YSM (Retd) chuan 2 Assam Rifles leh 42 Assam Rifles te'n India ram himna tura theihtawp an chhuah bakah, vantlang rawngbawl kawnga an thawh hlawk em avanga Unit Citation an dawng chu a lawmpui thu a sawi a. North East vawnghimtu leh tlang mite thian nihna an chawinung chu lawmawm tiin, Mizoram mipuite hmakhua ngaia hma la zel tur leh ruihhlo do leh ngawl veite chhawmdawl kawnga theihtawp chhuah turin a chah a ni.

Larsap chuan Myanmar ramri buai avanga harsatna hrang hrang kara battalion pahnihte Dan leh thupek kenkawh kawnga hmalaknate fakawm a ti a. Sahimna zawnga raltlante puihbawm leh chhawmdawl kawnga hmalaknate pawh chhuanawm tiin, an hnathawh that chhuanawm tak chu an chhawmnun zel a beisei thu a sawi bawk.

He hunah hian Brig Girish Upadhya, SM, VSM, DIG, HQ 23 Sector Assam Rifles, AR Sipai leh an chhungte an tel a ni.