4135/2024-2025

Dated Kolasib the 7th February 2025: Vawiin khan Kolasib DC Conference Hall-ah Kolasiba Fire Prevention Week hman dan tur chungchang rel a ni a. He hun hi Pu Robert C Lalhmangaiha, Kolasib DC, District Level Committee On Fire Prevention Chairman chuan kaihruaiin DLCP members- Kolsib District a Sawrkar Department thenkhat aiawhte leh NGO pawl hrang hrang aiawhte an tel a ni.

He hunah hian Kolasib DC Pu Robert C Lalhmangaiha chuan Kolsib District a kangmei venna chungchanga sawrkar hmalakna te a tarlang a. In leh a vel kangmei a chhuah lohna tura sawrkar in thu a tihchhuah a awm tawh a, chumi bawhzui tur chuan vawiina khawmte chu an pawimawh a ni tiin thahnemngai taka sawrkar thuchhuahte tihhlawhtlinna kawnga thawhpui turin a sawm a. DC chuan nikum lamah Mizoram huapa Fire Prevention a titha ber lawmman an lo lak tawh thu sawiin, kuminah pawh lawmman pakhatna hauh leh ngei tura tanla turin a sawm nghal bawk a ni.

Pi Jenny Sailo, DFO Kolasib in report tawi pe in nikum chhungin Kolasib District ah lohal leh a kaihhnawih in ram 78.88 hectares a tihchhiat thu a tarlang a. Chutih rualin lohal hun bituk chhunga ruat ah lohal an zo fel thei chu lawmawm a tih thu a sawi bawk.

Kumin a Fire Prevention week theme atan hian State Sawrkarin alo duan lawk ,"We care for our future if we care not to cause fire- Kangmei ven hi kan tu leh fate tan hmakhua a ni" tih chu hman rem tihtlan a ni a. Fire Prevention week February ni 10-15 hawnna chu February ni 14 ah Parish Hall venglai ah nei nise tia rel a ni a. Kumin ah pawh Fire prevention a titha zual khuate hnenah lawmman sem leh nise tihte leh Fire Prevention puala inhrilhhriatna chi hrang hrangte pawh kalpui leh nise tih a ni. Kuminah hian lohal hun hi March ni 15 ah zawhfel ni se, amaherawhchu hmunphiah hmun neite tan erawh march ni 31 chu zawhfel hun bituk atan ruat nise tia remtihtlan a ni.