4134/2024-2025

Champhai, 7th February 2025: Champhai District Election Officer  Pu VL Remliana chuan hriattirna tichhuakin, VC Inthlanpui 2025-a  District chhung mi inthlanna a mawhphurhna nei te tan naktuk February ni 8, 2025 chawhma dar 10:00 aṭanga dar 04:00 chhung hian DC Office, Keifangtlangah vote thlak theih anih tur thu a tarlang. 

General Election to Village Council, 2025-a District chhung mi, Persons on Election Duty (PED) hmanga vote thlak tur te tan bik DC Office, Champhai-ah ni 08.02.2025 (Inrinni) dar 10:00 am atanga 4:00 pm chhungin Facilitation Centre siam a ni dawn a. Hemi chhung hian Persons on Election Duty (PED) hmanga vote thlak theih a ni ang.

Persons on Election Duty (PED) hmanga vote thlak tur ten vote thlak dawnah EPIC/ ID Card, State Election Commission, Mizoram-in a pawm te ken tur a ni e.