Mizoram Larsap Lt.Gen. (Rtd.) M.M.Lakhera chuan India-in Zalenna (Independence Day) a hmuh champha phak vawi 63-na lawmna ni ah Mizoram mipuite duhsakna hlanin chibai a buk a, hemi ni puala Mizoram mipuite hnena a thuchah chu All India Radio, Doordarshan Kendra Aizawl leh tualchhung cable operators ten an puanzar sak a ni.
Mizoram mipuite hnena chibai bukna thu a sawiah Larsap chuan zalenna sualtute inpumpekna leh inhlannate, an huaisenna te chuan mitinte thinlungah fuihna leh chona thar pe se a duh thu a sawi a, hmasawnna leh mipui rorelna ram kan neih theih na tura hnam pasalthate innghahna leh an thuthlung, harsatna tam tak kara an lo dinchhuahpui chu vawng nun reng tura inhlan thar leh chu thangtharten anmahni kan zahna leh kan chawimawi theihna sang ber anih thu a sawi bawk. Larsap chuan a thusawiah hian ram venhim hna thawktu Sipai huaisente chu zahna chibai a buk bawk a ni.
Larsap chuan ram hmasawnna leh than zelna daltu chu tharum thawhna leh mipuite ti ralti zawnga che thinte an nih thu sawiin heti zawnga hmalakna reng reng thukhat vua a do tlat turin mipuite chu a chah bawk.
Larsap chuan Mizoram mipuiten "ralmuanna thliarkar (island of peace)" ni tura an inpumpekna leh hmalakna chu chhuanawm a tih thu sawiin, March ni 12, 2010 a Guiness Book of World Records kaltlanga khawvel tukverha kan hnam lam hlu tak "Cheraw" chhawp chhuak tura Mizo mipuite thahnemngaihna leh inlungrualna chu ropui a tih thu a sawia, Kum 2011 India Chhiarpui thawhkhatna May ni 15 leh June ni 30 inkara neih tihlawhtling tura Mizoram mipuiten an tawiawmnaah lawmthu a sawi bawk.
Larsap chuan Mizoram hmasawnna leh intodelhna tur atana Sawrkarin NLUP a duang chhuak chu lawmawm a tih thu sawiin a hlawhtlinna tur chuan mipuiten phur tak leh thahnemngai taka,rinawmna nena kan thlawp a ngaih thu a sawi.
Larsap chuan thalaite chu ram nghahfak an nih thu tarlangin an theihna leh thiamna te chhawr tangkai a pawimawh thu a sawi a, Rajiv Gandhi Sports Stadium sak mek pawh chu mel lung pawimawh tak a nih thu sawiin khawvel hriata Mizo thalaite tarlangtu pawimawh tak ala nih ngei a beisei thu a sawi bawk.
Larsap chuan Kohhran hruaitute, YMA,. MHIP, MUP leh tlawmngai pawl hrang hrang ten khawtlang thatna tura hma an lakna chu fakawm a ti a, abik takin damdawi tha lo leh a ngawl vei theih chi thil tha lo chi hrang hrang do tira an hmalakna chu a chhuan thu a sawi bawk.
Larsap chuan ram hmasawnna leh than zelna daltu chu tharum thawhna leh mipuite ti ralti zawnga che thinte an nih thu sawiin heti zawnga hmalakna reng reng thukhat vua a do tlat turin mipuite chu a chah bawk.
Larsap chuan Mizoram mipuiten "ralmuanna thliarkar (island of peace)" ni tura an inpumpekna leh hmalakna chu chhuanawm a tih thu sawiin, March ni 12, 2010 a Guiness Book of World Records kaltlanga khawvel tukverha kan hnam lam hlu tak "Cheraw" chhawp chhuak tura Mizo mipuite thahnemngaihna leh inlungrualna chu ropui a tih thu a sawia, Kum 2011 India Chhiarpui thawhkhatna May ni 15 leh June ni 30 inkara neih tihlawhtling tura Mizoram mipuiten an tawiawmnaah lawmthu a sawi bawk.
Larsap chuan Mizoram hmasawnna leh intodelhna tur atana Sawrkarin NLUP a duang chhuak chu lawmawm a tih thu sawiin a hlawhtlinna tur chuan mipuiten phur tak leh thahnemngai taka,rinawmna nena kan thlawp a ngaih thu a sawi.
Larsap chuan thalaite chu ram nghahfak an nih thu tarlangin an theihna leh thiamna te chhawr tangkai a pawimawh thu a sawi a, Rajiv Gandhi Sports Stadium sak mek pawh chu mel lung pawimawh tak a nih thu sawiin khawvel hriata Mizo thalaite tarlangtu pawimawh tak ala nih ngei a beisei thu a sawi bawk.
Larsap chuan Kohhran hruaitute, YMA,. MHIP, MUP leh tlawmngai pawl hrang hrang ten khawtlang thatna tura hma an lakna chu fakawm a ti a, abik takin damdawi tha lo leh a ngawl vei theih chi thil tha lo chi hrang hrang do tira an hmalakna chu a chhuan thu a sawi bawk.
