Vawiin Dt 15.8.2009 zing dar 10:00 khan District Playground Saiha-ah India ramin ralenna a hmuh champha Independence Day vawi 62-na chu ram puma hman a nih angin ropui leh urhsun taka lawm a ni. He Ni lawmna ah hian Pu Zodintluanga, Minister, i/c I&PR, Sports & Youth Services etc chu khuallian niin zing dar 10:00 ah hnam puanzar pawtpharh in parade chibai a chhanglet a ni.
Independence Day thuchah sawi nghalin Minister chuan India ramin zalenna a neih atanga nasa taka hma a sawn thu sawiin Mizoram pawhin kawng hrang hranga hmasawnna rahbi a kai tawh thu leh ei leh bar leh insumdawn tawnna kawnga hma chi hrang hrang a lak thu te a sawi lang a, mirethei te khai chhuahna tura sawrkarin N.L.U.P. hmang a policy a siam thu leh he policy hlawhtlinna tur hian mipuite tawiawmna leh taimakna a pawimawh thu a sawi bawk. Remna leh muanna vawnhimna kawng ah Mizoram sorkar chuan remna leh muanna ti chhe thei zawnga che te reng reng chu a dim dawn lo a ni, tiin thalaite hmakhua pawh sawrkar in a ngaipawimawh hle a ni, a ti a. Infiamna lama chak taka hmasawn a nih theih nan sawrkar chuan theihtawp chhuahin hma a lak mek thu sawiin Mizoram chhunga District tina Boxing Ring siam turah Saiha District ah dah hmasak ber a nih tur thu a puang bawk. U.D.& P.A. Department chuan Saiha-ah mirethei Economically Weaker Section (EWS) Scheme hnuaiah Ministry of Housing and Poverty Alleviation chuan In 200 sak nan pawisa cheng nuai 555 a sanction tawh thu leh central-in a tum ve tur 1st installment atan cheng nuai 194.91 draw mai theiha a awm tawh thu a sawi bawk.
Independence Day a khuallian hian Parade Contingents ti tha te hnenah lawmman a sem nghal a. Parade Contingents sawmpanga zingah pakhatna Hill Gate School an ni a, Parade Contingents zawng zawng te hnenah hian consolation prizes pek vek an ni bawk. Independence Day pual hian Damdawiin, District Jail, Salvation Army Orphanage Home, ECM Orphanage Home, ECM Nursing Home te hnenah tukin zing khan thilpek hlan an ni a Chawhma dar 11:30 ah sawm bikte pualin Thingpui inhona ‘At Home’ chu C.E.M., M.A.D.C. Bungalow ah neih a ni bawk. Chawhnu dar 2:00 ah Independence Day Football leh Volley Ball Final khelh a ni dawn a, heta lawmman te hi C.E.M., M.A.D.C. in a sem dawn a ni.
Minister hian tukin zing kar khan Saiha khaw chhunga Mizoram State Sports Council hrnalakna hrang hrangte tlawh kualin a enfiah a, ECM HSS Field te, Indoor Stadium te leh District Sports & Youth Services Office te tlawhin sak chhunzawma tihchangtlun chhoh zel dan turte an sawiho a ni.
Minister hian ‘At Home’ a hman zawh hnuin District Information & Public Relations Officer Office a tlawh bawk a, an office leh dinhmunte a enfiah nghal bawk a ni.
Vawiin Independence Day pual hian Saiha Officers’ Club chuan Motherless Baby Home, Salvation Army Orphanage Home leh ECM Nursing Home te hnenah Rs. 1,000 /- theuhvin thilpek an hlan bawk a ni.
Independence Day a khuallian hian Parade Contingents ti tha te hnenah lawmman a sem nghal a. Parade Contingents sawmpanga zingah pakhatna Hill Gate School an ni a, Parade Contingents zawng zawng te hnenah hian consolation prizes pek vek an ni bawk. Independence Day pual hian Damdawiin, District Jail, Salvation Army Orphanage Home, ECM Orphanage Home, ECM Nursing Home te hnenah tukin zing khan thilpek hlan an ni a Chawhma dar 11:30 ah sawm bikte pualin Thingpui inhona ‘At Home’ chu C.E.M., M.A.D.C. Bungalow ah neih a ni bawk. Chawhnu dar 2:00 ah Independence Day Football leh Volley Ball Final khelh a ni dawn a, heta lawmman te hi C.E.M., M.A.D.C. in a sem dawn a ni.
Minister hian tukin zing kar khan Saiha khaw chhunga Mizoram State Sports Council hrnalakna hrang hrangte tlawh kualin a enfiah a, ECM HSS Field te, Indoor Stadium te leh District Sports & Youth Services Office te tlawhin sak chhunzawma tihchangtlun chhoh zel dan turte an sawiho a ni.
Minister hian ‘At Home’ a hman zawh hnuin District Information & Public Relations Officer Office a tlawh bawk a, an office leh dinhmunte a enfiah nghal bawk a ni.
Vawiin Independence Day pual hian Saiha Officers’ Club chuan Motherless Baby Home, Salvation Army Orphanage Home leh ECM Nursing Home te hnenah Rs. 1,000 /- theuhvin thilpek an hlan bawk a ni.
