Nizan khan State Guest House-ah Nagaland State tana SSA leh RMSA chungchanga hmalak dan tur thlir ho a niin he hun hi Education Minister Pu Lalsawta’n a hmanpui a, he meeting-ah hian Pu Robert Romawia Royte, OSD Planning, Mizoram SSA Mission & RMSA chuan Nagaland leh India ram state dang ten sum an hmuh ve lohna leh hmalak nachang an hriat lohna a sum hmuh nana Mizoramin Project a siam dan te Power Point Presentation hmangin a hrilhfiah a ni.
Thlirhona neih zawh hian Nagaland School Education Minister Pu Konyak chuan an lo zin laia Chhinga Venga vanduaina lo thleng chu pawi a tih thu sawiin vanduaina tawk te chhawmdawl nan Mizoram School Education Minister hnenah Rs. 50,000/- a hlan a. Nagaland School Education Director Pu Nipusille Angami rawtna angin he vanduaina a nun chante sunna hun hman a ni. Education Minister Pu Lalsawta hian Nagaland team te chu lawmthu hrilhin kan puihna mamawha lokal an ni a, an ni pui tur chuan Mizoram hi a inpeih reng a ni, a ti.
Vawiin khan zing lamah Chhinlung Academy Vaivakawn tun hma deuh a naupang neih loh avanga khar mai tura tih SSA hmanga English Medium School-a leh tak chu tlawhpui an ni a, chhuanawm an tiin Mizoram chu an tan entawn tur leh hmahruaitu an nih zia an sawi a. Hemi hnu hian Nagaland panin an kir leh ta a ni.
Vawiin khan zing lamah Chhinlung Academy Vaivakawn tun hma deuh a naupang neih loh avanga khar mai tura tih SSA hmanga English Medium School-a leh tak chu tlawhpui an ni a, chhuanawm an tiin Mizoram chu an tan entawn tur leh hmahruaitu an nih zia an sawi a. Hemi hnu hian Nagaland panin an kir leh ta a ni.
