1757/2026-2027

Aizawl, the 13th August, 2026: Mizoram Larsap General (Dr) Vijay Kumar Singh, PVSM, AVSM, YSM (Retd) chuan vawiin khan Mizoram Public Service Commission (MPSC) Member atan Pi K. Lalrinzuali, IAS (Retd) chu Durbar Hall, Lok Bhavan, Aizawlah rinawmna thu tiam tirin a la lut.

Lakluhna inkhawmah hian Chief Secretary Pu Khilli Ram Meena chuan Larsap-in MPSC Member atana Pi K. Lalrinzuali a ruatna notification a chhiar chhuak hmasa a. Hemi hnu hian Larsap chuan rinawmna thutiam chham tirin Pi K. Lalrinzuali chu MPSC Member atan a lalut a ni.

He hunah hian Chief Minister Pu Lalduhoma, Speaker Pu Lalbiakzama, Home Minister Pu K. Sapdanga, PWD Minister Pu Vanlalhlana, AH& Vety. Minister Pu C. Lalsawivunga, EF&CC Minister Pu Lalthansanga, Health & Family Welfare Minister Pi Lalrinpuii, Opposition Leader Pu Lalchhandama Ralte, P&E Minister Pu F. Rodingliana, RD&A Minister Prof. Lalnilawma leh sawm bik mi pawimawh dangte an tel a ni.

Pi K. Lalrinzuali July ni 11, 1966 ah piangin thiamna lamah MA Public Administration Gold Medalist a ni a. Kum 1992 khan Mizoram Civil Service (MCS) a zawm a. Kum 2019 ah IAS ah promote niin AGMUT Cadre 2010 pek a ni a. Mizoram sawkara Commissioner & Secretary, Health & Family Welfare Department leh Power & Electricity Department hna a chelh laiin July ni 31, 2026 khan superannuation pension-in a chhuak a ni.

Mizoram Sawrkara post pawimawh tak tak a chelh zingah Deputy Commissioner, Lunglei District; Director, School Education leh Higher & Technical Education; Secretary, District Council & Minority Affairs, Horticulture, Land Resources, Soil & Water Conservation, Disaster Management & Rehabilitation leh Tourism-te a tel bawk.

Tunah hian an chhungkuain Chawnpui veng, Aizawlah an cheng mek a ni.