1758/2026-2027

Lawngtlai, 13th August 2026 : Vawiin khan Lawngtlai District Consumer Protection Council chuan an Chairman leh Bawrhsap nibawk Pu Donny Lalruatsanga kaihhruaiin DC Conference Hall- ah thutkhawm an nei.

Pu Donny Lalruatsanga chuan kalkhawmte chibai bukin District Consumer Protection Council - kaltlanga mipuite tan hmalak a pawimawh tak zet a ti a. District Consumer Protection Council chuan Consumer - te dikna chanvo humhalh kawngah thuneihna sang tak a nei tih sawiin;  Bungrua lei leh hralh a tha tawk em, a man dik taka zuar a ni em tih bakah sawrkar, Service Provider leh mipuite inkarah thawhhona tha tak siam a pawimawh hle a, hemi kawngah hian theihtawpa hmalak chhunzawm a tul dawn hle a ni, a ti. Bawrhsap chuan Lawngtlai District- mipuite hamthatna leh dikna chanvo humhalh kawnga thahnem ngai taka thawk zel turin Member- te a chah nghal bawk.

Pu Lianchhuma Chinzah,   DCSO leh Member Secretary nibawk chuan District Consumer Protection Council nihphung, hnathawh, tihtur leh hmalakna tur kawng hrang hrangte sawizauna a nei a. Consumer - ten harsatna an neih kawng hrang hrangte sawiho nghal a ni a. LPG Gas - sem kawngah 'Home Delivery ' leh  Online Payment -  uar zawka kalpui tura hmalak ni se an ti a. Gas bu tihbo palh emaw mitthi tawh hming thlak ngai leh DAC tihfel kawngah hmalak a tul hle tih pawm tlangin, chak zawka hmalak ni se an ti a ni. Dawrkai leh Damdawi zuarte tan 'Awareness Campaign' kalpui ni se, Mipuiten tui sem hun bi an hriat a tul tiin,  PHED hotute sawipuia hmalak ni se an ti a. Lawngtlai District- in kawlphetha tha zawk a hmuh theih nan  thuneitu sang zawk hnenah thlen ni se an ti bawk a ni.

Thutkhawmah hian Lawngtlai District Consumer Protection Council - te an tel kim tha hle a, Pu Donny Lalruatsanga chuan lawmthu sawiin hun a khar.