Nikum MPSC buatsaih a Combine Exam a tling Mizoram Civil Service Officer thar 15 leh Mizoram Finance & Accounts Service Officer thar 2 te chuan Larsap Pu Vakkom Purushothaman chu vawiin khan a chenna In ah an hmu a. Inkawm hona hun tha tak neiin thingpui in hona an nei bawk.

He inkawm hona ah hian ATI Director thar Dr. Lalrozama leh a thawhpui dang te chuan Officer thar te inhmelhriattirna neiin an training dan tur Larsap hi an hrilh.

Larsap chuan officer tling thar te chu duhsakna hlan in an ko vah mipui rawngbawlna hna chu a in nghat a, sorkar hnathawk dang aiin an mawhphurhna hi engtik lai pawhin a sang hle tih hre reng turin a chah a. Mizoram sorkar leh mipui tan hun kal zel tur ah mi chhenfakawm an nih ngei a beisei thu sawiin rinawmna, dikna leh hleih nei lovin an awmna apiangah sorkar leh mipui tan tha taka hna thawk turin a fuih a ni.

Heng officer thar te hi ATI ah 3 June atangin thla thum chhung an training dawn a ni.