1506/2025-2026

Aizawl, the 19th September, 2025: Mizoram Larsap General (Dr) Vijay Kumar Singh, PVSM, AVSM, YSM (Retd) chuan vawiin khan Pu C.Lalthanmawia, IPS (Rtd) chu Durbar Hall, Raj Bhavan-ah rinawmna thu tiam tirin Ombudsman (Independent Local Body), Mizoram State atan a lalut.

Swearing-in Ceremony programme-ah hian Chief Secretary Pu H.Lalengmawia chuan Larsap-in Ombudsman atana Pu C.Lalthanmawia a ruatna notification a chhiar chhuak hmasa a. Hemi hnu hian Larsap General (Dr) Vijay Kumar Singh chuan Pu C.Lalthanmawia, IPS (Rtd) chu rinawmna thutiam chham tirin Ombudsman (Independent Local Body), Mizoram State atan a lalut a ni.

Ombudsman (Independent Local Body), Mizoram State lakluhna inkhawmah hian UD&PA Minister Pu K. Sapdanga, AH& Vety. Minister Pu C. Lalsawivunga, EF&CC Minister Pu Lalthansanga, Deputy Speaker Pu Lalfamkima, Leader of Opposition Pu Lalchhhandama Ralte leh mi pawimawh dangte an tel a ni.

Ombudsman (Independent Local Body), Mizoram State atana lakluh tak Pu C.Lalthanmawia, IPS (Rtd) hi February ni 12, 1965 ah piangin thiamna lamah BA, LLB degree nei a ni a. Kum 1989 khan Mizoram Police Service zawmin, kum 2022 khan Indian Police Service (IPS), AGMUT Cadre (Mizoram Segment) ah hlankai a ni a. Mizoram Sawrkarah mawhphurhna pawimawh tak tak chelh tawh thinin, heng zingah hian Director, Fire & Emergency Services, Mizoram; AIGP (Police Modernization), PHQ, Aizawl; DIGP, Southern Range, Mizoram, Lunglei leh DIGP, Northern Range, Mizoram, Aizawl post-te a lo chelh tawh a ni.

Kum 2012 khan President Police Medal For Meritorious Service dawngin, kum 2020 khan President Police Medal For Distinguished Service a dawng bawk a. Mizoram Sawkar hnuaia hun engemawgchen a service hnuin February ni 28, 2025 khan DIGP, Northern Range, Mizoram post a chelh laiin superannuation pension-in a chhuak a. A nupui fanaute nen Tuikhuahtlang, Aizawlah an cheng mek a ni.