Vawiin khan Associated Chambers of Commerce and Industry of India (ASSOCHAM) buatsaih ‘Workshop on Linking Budding Entrepreneurs with Government Schemes & Market’ chu Mizoram Larsap Vokkom Purushothaman-an College of Veterinary Sciences and Animal Husbandry, Selesih-ah a hawng.

Larsap chuan workshop buatsaihtu ASSOCHAM te hmalakna chu fakin, ASSACHOM leh Ministry of Food Processing Industries leh DoNER te tangkawpin sumdawng mahni kutkawih liau liaua bul tan (first generation entrepreneurs) te chio phur nan leh kawng sut en pui nana EDP Proframme an kalpui chu lawmawm a tih thu sawiin duhsakna a hlan nghal a ni.

Larsap chuan Food Processing (eitur sawngbawl) Industry hi India ram economy hmasawnna, a bik takin India hmarchhak hmun kilkhawr lehzual atana pawimawh em em a ni tih sawiin, he zirhona (workshop) hian sumdawng tenau zawkte leh sumsawnna bul tan tharte cho chhuakin sorkar ruahmanna scheme hrang hrangah an inbarh luh a, zoram chhung neia thlai huan/lo hausakna haichhuak thei tura zirchian kawngah te, food processing industry tih hlawhtlinna tur atana pawimawh hrang hrang leh harsatna awm thei turte zirchiana sutkian anih theih nan te leh reiloteah zoramin food processing industry atanga hlawkna tak tak a tel theih ngei nan kawng ro su ngei se a duh thu a sawi bawk.

Larsap chuan Mizoram sik leh sa dinhmun chu sumchang thlai tan duhthusam anih thu sawilangin food processing sector changtlung leh rintlak chuan thalaite eizawnna tam tak a siam sak dawn bawkah ram leilung hausakna tangkai lehzuala haichhuah anih phah dawn bawk a ni, a ti bawk.

He workshop ah hian Prof. SN Puri, Vice Chamcellor, central Agriculture University, Imphal; C. Lalzarliana, Director, Agriculture Department, Govt. of Mizoram; Ombeer S. Tyagi, Sr. Director, ASSOCHAM bakah sumdawng, loneitute leh zirlai thahnem tak an tel a ni.