4008/2024-2025

Aizawl, the 29th January, 2025: Vawiin khan Mizoram Upa Pawl (MUP) hruaitute chuan MUP Gen. Hqrs. President Pu Nghaklianmawia hovin Larsap (Dr) VK Singh, PVSM, AVSM, YSM (Retd) chu Raj Bhavan-ah hmuin an kawm.

He hunah hian MUP hotute chuan Governor hi duhsakna an hlan a. Kum upate tana hamthatna awmte tarlangin theihtawp chhuahpui turin an ngen a. Heng bakah hian Mizoram hmasawn nena pawimawh hrang hrangte an sawipui a ni. 

Vawiin vek khan Pu Virendra Kumar Jakhar, Executive Director, NHIDCL Regional Office chuan Larsap hi hmuin Mizorama NHIDCL hmalakna hrang hrangte an sawidun a. Larsap chuan project hrang hrangte hun bituk chhunga tha taka zofel thei tura tan la turin a chah a. A bikin Mizoram mamawh chak lakna kawngpui Sairang leh Silchar pawhtu National Highway siam hna chu ngaipawimawh turin a chah a ni.