3679/2023-2024

Aizawl, 7th February, 2024 : Mizoram Larsap Dr Hari Babu Kambhampati-a'n a sawm angin Mizoram Youth Commission chairman Pu Malsawmzuala Ralte chu Raj Bhavan-ah vawiin chawhma dar 11:00 khan lengin an inkawm.

Pu Malsawmzuala Ralte chuan MYC hmalak dan tlangpui leh an hmachhawp bakah, mizo thalaiten hna zawn leh mahni kea an din theihna tura an ruahmanna neih te a hrilh a.

Dr Hari Babu Kambhampati chuan, thla thara Andhra Pradesh leh Tamil Nadu inrina Sri City Special Economic Zone (SEZ) tlawha zin a tum thu leh Mizo thalaite tana thawh theih tur hna a awm a beisei tih sawiin, a hmunhma en a, hmalak theih dan zirchiang tura zin pui turin MYC chairman chu a sawm nghal a, Pu Malsawmzuala Ralte pawhin kal ve ngei an tum dawn thu a sawi.

Pu Malsawmzuala Ralte chuan, mizo thalaite hmakhaw ngaitu Governor an nei chu lawmawm a tih thu a sawi.

MYC chairman hi Pu H. Lalnunzuala, Under Secretary, MYC in a tawiawm a ni.