Vawiin chawhma khan Mizoram Governor Lt. Gen. Nirbhay Sharma (Retd.) PVSM, UYSM, AVSM, VSM (Retd)  chuan Wing Commander Satish Aparajit (Retd), President, Indian Golf Union leh Captain Satish Pathania, Leading Edge Adventures te chu Raj Bhavan-ah kawm in, Mizorama khulzin mite hip lut tura an hnathawh hrang hrang te an sawipui. 

Governor Lt. Gen. Nirbhay Sharma chuan sik leh sa dinhmunin a zir avang leh ram ralmuang leh mawi tak a nih avangin, Mizoram chu danglam bikna nei khualzin mite tlawhpawh hmun lar tak ni tura a duh thu a sawi a. India ram atang mai nilo, South East Asia ram atangte pawha khualzin mite hip thei tur ruhrel changtlung tak neih a duh thu sawiin, Mizo mipuite tan pawha ei leh bar kawnga hmasawnna thlentu a ni thei dawn a ni, a ti.  

Captain Satish Pathania chuan Swadesh Darshan, Ministry of Tourism hnuaia Eco-Adventure Circuit an ruahman dan leh hma an lak mek dan te chu a tarlang a. India rama skywalk hmasa ber leh  Aizawlah ropeway Asia khawmuala thui ber siam an nih tur thu a sawi a ni. Heng bakah hian Thenzawla Golf Course siam mek te leh adventure sports lama ruahmanna hrang hrang te an sawi a ni.