2980/2022-2023
Dated Sialsuk 7.12.2022: Vawiin chawhma khan MZP buatsaih Zofest 2022 , Sialsuk a hman mek chu Law and Judicial Minister Pu TJ Lalnuntluangan a hmanpui.

Law and Judicial Minister chuan Zofest buatsaih tan tirh atanga kum 20 lai mai lo ni ta a khuallian a ni chu lawmawm a tih thu leh a hlut thu sawiin MZP in Zofate hmun hrang hrang a awm te in unaunan a an hnathawh chu ropui a tih thu a sawi a, kan unau te harsatna tawk mek te tanpui nan a Zofaten kan theih tawk a kan lo tuamhlawm chu a ropui a takzet ani , a ti . He Zofest hian khawchhak leh thlang a zofa awm te in unau na nasa zawk a a thlen phah ngei a rin thu a sawi a ni.

Khuallian chuan pawn lama beihna ai mah in chhung lamah keimahni kan in bei thin leh kan in ti chhe tawn thin chu a pawi a tih thu sawi a, hemi kawngah hian Social Media kan hman fimkhur a pawimawh takzet ani, a ti a, mahni hnam leh ram chhe ta vek anga social media a kan tarlang thin chuan a tha lo zawng in mipui thinlung ah nghawng nasa takin a nei thei a ni, ati.

Zofest chhim tu te zawng zawng hnenah chuan rinawmna vawng tlat turin a chah a,hmasawnna nei tur a theihtawp a thawk thin te demna thu a awm thin chu a pawi a tih thu sawiin , thangthar ten mahni hnam hmusit lo a kan hmabak theuh te thawhrimna nen a hlawhtling tur a kan beih a pawimawh ani a ti a. kan hnam kan than chhoh zel nan leh kan impumkhatna a lo chak zual zel theih nan theihtawp a hma la chho zel turin kalkhawmte chu a ngen ani.

A hun hnih na program ah hian Pu Salai Lian Luai, Ex CM, Chin State, Myanmar pawhin Uaptu niin he hun hi a hmanpui a. “Zofaten Mizo mipuite, sawrkar leh tlawmngai pawl ten hmangaihna nena khawchhak lam unaute an puihna leh tuamhlawmna ah lawmthu a sawi a, Myanmar ram buaina hian tawp mai a hnaih loh pawhin, puih an ngaihna an hriatpui a, an thlahthlam mai loh a rin tlat thu a sawi.

Zofest 2022 hi MZP in Sialsuk ah buatsaih in ni 6-9 December 2022 chhunga hman tura duan ani a. He inkhawmpui ah hian zofate hmun hrang hrang atanga palai lo kalkhawm in zofate inpumkhat zel nan thu leh hla leh hnam lam te lantirin hun an hmang ani.