South Tuipui Bialtu MLA leh Mizoram Law Commission Chairman ni bawk Pu John Siamkunga chuan tunhnai khan Hnahthial a tlawh a, Amah hi PWD IB ah mipuiten an lo lawm a ni.

Pu John Siamkunga chuan hlawhtlinna kan chan theih nan a theihtawpa min puitu zawng zawngte chungah lawmthu ka sawi takmeuh a ni a ti. Bial mipuite zarah hlawhtlinna kan chang a, In zarah hna tam tak kan thawh leh ngei ka beisei a ni' tiin amah hmuaktute hmaah a sawi. Bial tana hma thlir pakhat Road Map chungchang sawiin Pu John Siamkunga chuan ka lo sawi tawh thinte pawh a thleng dik chho mek zel tih ka han hmu a, Lungdar tlangdung zawng zawng North Vanlaiphai to S. Chawngtui-ah Khawhri-ah lo kal thla in Hnahthial-ah an rawn lut dawn a ni tih pawh a lang chiang chho zel a, tunah hian hian 8Km vel lek hma bak a awm tawh a ni a ti. Hei bakah hian hmachhawp kal mek leh hmachhawp awm leh tur hrang hrangte a sawi bawk.Pu John-a chuan Law Commission chungchang sawiin Central ah lian takin awm mah se Mizoramah erawh a la naupan thu a sawi a. Hna tam tak thawh tur an neih thu leh dan leh hrai chi hrang hrang, Customary Law leh Dept inenkawlna dan hrang hrangte pawh an khawih tur a nih thu te a sawi