CID Crime, Mizoram Police huaihawt Law Enforcement Technology Exhibition chu vawiin chawhma dar 10 : 30 khan S.P Aizawl Conference Hall ah Pu Thianghlima Pachuau, DGP Mizoram in a hawng a, ACB Director, DIG leh Police Senior Officers ten an tawiawm a ni.

He Law Enforcement Technology Exhibition ah hian CID Cryme Cyber Cell, Aizawl City Survelliance (CCTV), National Institute of Electronics & Information Technology (NEI LIT), Forensic Science Laboratory (FSL), Wireless (MPRO), David Security leh Godrej ten an khawl neih changkang tak tak te Police leh mipui hmuh theih turin an phochhuak a, Drones pawh skyoptics hoin an rawn pho chhuak bawk a ni. He exhibition hi police mai bakah mipui tana chhim theih turin chhun dar 12 : 00 atang khan SCRB Training Hall, S.P Aizawl Office Building Top Floor ah hawn a ni.

He exhibition tum ber chu police te dan kenkawhna kawnga tunlai technology hmanga hmasawnna awm te leh heng khawl hman tangkai dan inzirtirna atan a tih a ni.

He exhibition hi All India Conference of Director Generals/Inspector Generals of Police - 2015 India Prime Minister hova neih thurel pakhat bawhzuina a ni.