3321/2022-2023

Champhai, the 21st January, 2023: Vawiin chawhnu khan Law & Judicial Minister Pu T.J. Lalnuntluanga, Champhai South bialtu MLA ni bawk chuan Special Assistance to States for Capital Investment (SASCI) scheme kaltlanga a bial chhunga kawngpui siam leh cheibawl turte a enfiah.

Law & Judicial Minister hi Pi B.Vanlalhruaii, Sr. EE, PWD leh a thawhpuite, Official dangte leh khawtlang hruaituten an tawiawm a. Champhai Bethel Veng ZBC Biakin atanga Mualnuam panna metre 840 a thui, cheng nuai 15 senga bolder phah turte, Bethel Veng IKK Biakin bul atanga Zion Veng ramri km 1.35 a thui, Venghlun Road cheng nuai 135.54 senga laihzau leh black-topping turte, Champhai Vengthar to Zote BRTF Road (Zote Kai Short cut Road) km 1.54 a thui, cheng nuai 164.46 senga black-topping turte, cheng nuai 30 senga Champhai Zotlang Khawulh panna metre 350 vela thui white-topping siam turte, cheng nuai 10 senga Kendriya Vidyalaya School, Dinthar Veng, Champhai panna kawng laihzau turte bakah Champhai Kanan Veng Futsal siam mek leh Field siam turte tlawhin a enfiah a ni.