1396/2023-2024

Aizawl, the 5th August, 2023: Law & Judicial Minister Pu T.J. Lalnuntluanga chuan nimin khan Pu Arjun Ram Meghwal, Union Minister of State (Independent) Charge, Ministry of Law and Justice chu a chenna In Delhi-ah a kawm a, mamawh leh tul hrang hrangte a thlen.

He hunah hian Mizoram Law & Judicial Minister Pu T.J. Lalnuntluanga chuan Mizoram chhunga Court infrastructure tih changtlung dan tur chungchang Union Law and Justice Minister a sawipui a. Mizoramin litigation lama hmasawnna nasa tak a neih thu leh Court changtlung tha kan mamawh thu hrilhin, fund awm ang angte pawh Court tih changtlun kawnga State-in bul a tan lai a nih avangin pek tam deuh kan mamawh thu a hrilh bawk.

Union Law and Justice Minister chu Lunglei leh District thar pa 3 tana Court Building sak thuai a nih theih nan fund pe chhuak thuai turin a ngen bawk a. Heng bakah hian Pu T.J. Lalnuntluanga chuan Champhai Judicial District Court building sak tur, Guwahati High Court pawhin Court building drawing a pawmpui vek tawh chu sak tan vat a nih theih nan CSS for Development of Infrastructure Facilities for the Judiciary hnuaia fund pe chhuak thuai turin a ngen bawk.

Union Law and Justice Minister Pu Arjun Ram Meghwal chuan Minister Pu T.J. Lalnuntluanga thil thlente chu a ranglama lo tihfel a tum tur thu a hrilh a ni.