No.3998/2020-2021
Aizaw, the 11th August 2020: Vawiin chawhma khan SAD Conference Hall, MINECO-ah Pu T.J. Lalnuntluanga, Minister of State, Law & Judicial,etc., hovin Department 4 telna Consultative Committee for Parliamentary Affairs Department, Law & Judicial Department, Transport Department and Environment, Forest & Climate Change Department te chuan inrawnkhawmna an nei.
He meeting, Pu T.J. Lalnuntluanga, Minister of State, Law & Judicial,etc., kaihruaina hnuaiah hian MLA te leh Department 4 aiawh te chuan Agenda te rawn theh lutin sawihona neih a ni a. Tuna an kalphung te leh siam that ngai lai te pawh sawiho a ni bawk a ni.
Consultative Committee hi kum 1995 khan din a ni tawh a; June 2019 atang khan Guideline mumal zawk nen kalpui zel niin Committee pawimawh tak tak te pawh din a ni tawh a. Sawrkar langtlang leh rintlak a awm theihna tura hmalakna atanga Consultative Committee hi lo piang a ni.
He committee-ah hian Pu T.J. Lalnuntluanga, Minister of State, L&J, PAD,etc., chu Chairman a ni a. Member dangte chu : Dr K. Pachhunga, MLA, Pu C.Lalmuanpuia, MLA, Prof.F. Lalnunmawia, MLA, Dr. Vanlalthlana, MLA, Pu K.T. Rokhaw, MLA leh Member Secretaries atan Department 4 a Secretary te an ni.
