No.3996/2020-2021

State Election Commission (SEC) in 27.8.2020-ah Village Council inthlan a puan tak avangin Lunglei District huam chhungah inthlanna thianghlim leh felfai neih a nih theih nan heng a hnuaia thupek te hi Political Party leh Candidate zawng zawngte zawm atan chhuah a ni.

1. Sawrkar building, hmunhma emaw vantlang building leh hmunhma (Community hall, khelmual etc) ram hungna leh bang-ah thuziak, poster tar, ker, banner leh flag ang chi reng reng tar phal a ni lo.

2. Gate siam emaw kawngpui dung emaw hrula banner tar phal a ni lo.

3. Political party emaw candidate in sawrkar leh mipui hmunhma, building-a poster tar, thuziak tar/bel, banner, flag leh a dangte an tarin an bel a nih chuan Deputy Commisioner/District Election Officer chuan tireh turin emaw la thla turin a tartu hnenah thu a pe ang a, a tartu chuan thupek zawmin a hma a la vat lo a nih chuan thuneituten Model Code of Conduct monitoring Team kaltlangin a tul angina hma an la ang.

A chunga thupek zawm lo te chu The Mizoram Prevention of Defacement of Proprety Act, 1995 tlawhchhanin an chungah hramna lekkawh a ni ang.