Vawiin chawhma khan Pu TJ
Lalnuntluanga, Law and Judicial, Forest, Transport leh Parliamentary Affairs
changtu Minister chuan Champhai Bawrhsap Dr Naveen Aggarwal leh District
thuneitu dangte a chenna Champhai Kahrawt Vengah kawmin e-Visa chungchang an
sawiho.
He hunah hian dan ang
thlapa India leh Myanmar kaltlanga inkalpawhna awlsam leh rang taka
mamawhtuten internet kaltlanga e-visa an dil zung zung theihna tur chungchang
chipchiar taka sawiho a ni a. Minister thurawn leh ngenna bawhzuiin DC Office
ruahmanna a thla hnih khat chhunga e-Visa District Facilitation
Centre, DC Office kaltlanga buatsaih hman tum anih thu leh hei hian Immigration
Centre leh Integrated Check Post changtlung zawk siam kawngah kawngro a sut
ngei beisei anih thu meeting-ah hian tarlan a ni.
Law Minister ho hian District Official-ten nimin lam khan Myanmar Immigration Office, Khawmawi Myanmar ami chu tlawhin thawktute hnathawh dan, hmalakna leh e-Visa chungchangte an zirchiang a. Mizoram lamah pawh Passport neite tan online hmanga e- Visa pek anih theih dan turte leh dan ang thlapa awlsam zawka inkalpawh leh insumdawntawnna neih anih theih dan turte an lo en ho tawh a ni.
