Mizoram-a a vawi khatna ni turin Aquatics Association of Mizoram (AAM) chuan 16th-29th March, 2011 thleng awh turin tuihleuh zir duh leh tuihleuh dan dik zawk zir duhte tan Swimming Guidance Class a buatsaih a; he tuihhleuh dan dik zirna class hi vawiin chawhma dar 11.00 khan LAD Picnic Spot, Lawibual-ah Sports Minister Pu Zodintluanga chuan a hawng a ni.
Pu Zodintluanga chuan, "Kum hnih liam ta chhunga infiamna kawng hrang hranga Mizoram-in nasa taka hma a sawn theihna chhan chu sawrkar tanlakna vang a ni satliah lo a; infiamna lama association hrang hrangte leh sawrkar inkara thawhhona that vang a ni" a ti. Hmasawnna thlen tak tak tur chuan sawrkar leh mipuite tanrualna chuan kori a tu ber tih entirna sawiin, "Aizawl khawpuiah pawh kum tam tak chhung sawrkarin bawlhhlawh paih hna a thawk thin a; nimahsela faina kawngah hma kan sawn chak lo hle a. VC leh khawtlang nena tangruala khawpui chhung bawlhhlawh paih hna kan thawh chinah chuan kan fai kuar kuar mai a ni" Pu Zodintluanga chuan a ti bawk. Aquatics Association of Mizoram-in tuihleuh lama thangtharte hmasawnna tura ruahmanna changtlung tak a siam chu lawmawm a tih thu sawiin, "Sports association hrang hrang zingah naupang 3 lai an tuihleuh thiam avanga school zirna a thlawna pe thei hmasaber in nihna hian in tumruhna leh in hmathlir a thuizia a lantir a ni" a ti. Sports Minister chuan, "Kan infiammite hnena training kan pek leh fuihna thu kan sawi chang pawhin uar lehzuala kan inchophur a hun tawh a. Kan Veng, kan khua leh Mizoram aiawh tura kan inzirtirna kalsanin, India ram aiawh thei tura kan mit kan tihsan a hun tawh tak meuh a ni" a ti bawk.
Pu Lianzuala, Secretary, Mizoram State Sports Council pawhin thu sawiin, LAD Picnic Spot-a swimming pool chu inelna atana hman thin pangngai tiat, metre 50-a thuia siam a nih tur thu leh Central lam atanga pawisa sanction an nghah mek thu a sawi lang.
Tuihleuh zirna class-a zirtirna pe tur hian Aquatics Association of Mizoram chuan Karnataka atangin national coach ni phak Pu Biswas Pawar chu a chah chhuak a; amah hi tuihleuh zirtirtu hna kum 25 lai lo thawk tawh a ni a; a zirtir chhuakte hian India ram chhung leh pawn lamah pawh medal thahnem tak an lo la tawh thin a ni. Pu Pawar-a chuan, "Aquatics Association of Mizoram leh Mizoram sawrkar thawhhona tha tak hi keima tan pawh min tiphurtu a ni a; ka cham chhung hian min chahchhuaktute mitt lung ngei turin ka bei dawn a ni" a ti.
Vawiin-a tuihleuh zirna class tan takah hian mi 40 vel an inziak lut a; intihsiaknaa tuihhleuh dan chi hrang hrang bak an zir bakah, thawk lak dan te, ban leh ke vai dan te, hleuh chak dante thu leh thiltihin an zir a ni. Aquatics Association of Mizoram hian thla tharah khian LAD Picnic Spot-ah Mizoram Open Swimming Championship an buatsaih dawn a ni.
Pu Lianzuala, Secretary, Mizoram State Sports Council pawhin thu sawiin, LAD Picnic Spot-a swimming pool chu inelna atana hman thin pangngai tiat, metre 50-a thuia siam a nih tur thu leh Central lam atanga pawisa sanction an nghah mek thu a sawi lang.
Tuihleuh zirna class-a zirtirna pe tur hian Aquatics Association of Mizoram chuan Karnataka atangin national coach ni phak Pu Biswas Pawar chu a chah chhuak a; amah hi tuihleuh zirtirtu hna kum 25 lai lo thawk tawh a ni a; a zirtir chhuakte hian India ram chhung leh pawn lamah pawh medal thahnem tak an lo la tawh thin a ni. Pu Pawar-a chuan, "Aquatics Association of Mizoram leh Mizoram sawrkar thawhhona tha tak hi keima tan pawh min tiphurtu a ni a; ka cham chhung hian min chahchhuaktute mitt lung ngei turin ka bei dawn a ni" a ti.
Vawiin-a tuihleuh zirna class tan takah hian mi 40 vel an inziak lut a; intihsiaknaa tuihhleuh dan chi hrang hrang bak an zir bakah, thawk lak dan te, ban leh ke vai dan te, hleuh chak dante thu leh thiltihin an zir a ni. Aquatics Association of Mizoram hian thla tharah khian LAD Picnic Spot-ah Mizoram Open Swimming Championship an buatsaih dawn a ni.
