Vawiin chawhnu dar 2.30 khan Mizoram sawrkar leh M/s PSP Financial Consultants Pvt. Ltd. 88/3 Garfa Main Road, Kolkata te chuan Aizawl khawpui hmasawnna tura North Eastern Region Capital Cities Development Implementation Project (NERCCDIP) hnuaia hnathawh kal mekah thawhhona thuthlung (Memorandum of Understanding) an ziak a. He MoU-ah hian Mizoram sawrkar aiawhin Pu R.L. Rinawma, Commissioner & Secretary, UD & PA chuan hming a ziak a; M/s PSP Financial Consultants Pvt. Ltd. Aiawhin Pu Sumitabha Ray, Principal Consultant chuan hming a ziak bawk a ni. He thuthlung hian Aizawl khawpui hmasawnna tur ngawr ngawr piah lamah, inrelbawlna tha zawk kalpui dan tur te, khawpui enkawl dan tur mumal zawk duan chhuahte leh hmasawnnain a ken tel thil pawimawh chi hrang dangte a huap dawn a ni.

He thawhhona thuthlung ziahnaah hian UD&PA Department hnuaia SIPMIU Project Director Er. Valbuanga leh officer dangte an tel a ni. He thuthlung hi kum 3 chhung awh tur a ni a; sum senso tur chu cheng vaibelchhe 5.5 a ni ang.