Nimin kha Khawvel pumpuia Consumer-te dinhmun leh hmakhaw humhalh ni, World Consumers'  Right Day a ni a, Mizoramah pawh thil lei tute hamthatna leh chanvo humhalh nan urhsun taka tan lak a ni. Nimin khan Saikuti Hall ah District Level Observation of World Consumer Right  Day pual hian hun hman a ni a. He hunah hian mitin te dikna leh chanvo humhalh tulna hrang hrang te zir ho a ni. Pi M Zohmingthangi Lunglei bawrhsap in he hun hi hmanpuiin, Danin Consumer te a humhalh nasa a, Kan dan neih te a nihna ang a humhalhna kawngah mitin te kan pawimawh a, kan dikna leh chanvo humhalhna kawngah  hian mawhphurhna kan nei vek ani a ti, Nimin a Consumer Right Day hmanna ah hian Dr Andrew H Vanlaldika District Consumer Protection Officer chuan Consumer te dikna leh chanvo  humhalh a tulna tih thupui hmangin Paper  a Present bawk ani. He hunah hian Lunglei District a Consumer thubuai za zel a 99 chu chin fel a nih tawh thu tarlan a ni bawk. World Consumer Right Day hmanna hi Biakchungnunga Ralte Vice President Lunglei District Consumer Association in kaihruaiin, zirlai naupang te an kal tha hle.