3683/2022-2023

Mizoramin G-20 Business Meeting a thlen tur atana inbuatsaihna chuan a vawr tawp a lo thleng ta a. UD&PA Department-in "Sub-Committee on Beautification, Cleanliness and Hoarding/Banner" hnuaia Aizawl khawpui chhung bakah, Aizawl atanga Lengpui Airport leh Mizoram University panna kawng tihfai leh cheimawi kawnga hma a laknaah heng kawngpuiin a huam chin a Local Council leh Village Council ten theih tawp min lo chhuahpui avangin lawmthu kan sawi a. Kan zavaia tan tlanna avangin Aizawl kawngpui dung bakah Lengpui Airport leh Mizoram University panna kawng pawhin a fai phah hle a ni.

Faina kawnga kan hmalakna hi theihtawpa lo chhunzawm zel turin Local Council leh Vilage Council te kan in ngen a. Ni 28.2.2023 a ‘Faina Hnatlangpui' neih leh a nih hma ngeiin mahni veng chhung theuh lo enfel turin kan in ngen bawk a ni. G-20 Business Meeting March ni 1-3, 2023 a neih tur hi zawhfel a nih hma chuan kan veng chhung theuhah a tul huna faina kawnga che chhuak thei tura lo inkau reng turin kan in ngen nawn leh bawk a ni.

Kan hmuh leh hriat angin hmun hrang hrangah G-20 Banner/Hoarding tar a ni a, kan veng chhunga Banner/Hoarding tar te lo enzui a, lo venghim turin Local Council/Village Council te kan in ngen a. G-20 Business Meeting neih chhung chuan Aizawl khawpui kawngpui dung leh Airport kawngah Construction Work chawlhsan ni se, Construction and Demolition Wastes phur lirthei veivak a awm loh nan Local Council leh Village Council ten mahni veng chhung theuhah hma lo la turin kan in ngen bawk e.

Faina kawnga kan hmalaknaah harsatna kan nei a nih chuan UD&PA Department a thlen zel turin kan in ngenin kan inhriattir bawk a ni.