Tukin zing khan CYLA Playground, Lawngtlai-ah Independence Day 2010 lawmna inkhawm neih a ni a. Pu P.C. Lalthanliana, LAD Minister chuan Chief Guest niin Parade Contingent 17 te leh SSA Pipe Band te chibai bukna a chhang let a. Pu Lianchia, Rawlbuk khua hnenah huaisen chawimawina Jeevan Raksha Padak a hlan bawk. Independence Day lawmnaah hian Lawngtlai DC Pu Thlamuana MCS te, Lawngtlai SP Pu Dinesh Kumar MPS leh Chief Executive Member Pu C.Ngunlianchunga te bakah Sorkar official leh vantlang mi an tel tha hnem hle.
Pu P.C. Lalthanliana chuan thu sawiin Mizoramin zirna lama hma kan sawn theihnan Sorkarin chak takin hma a la a, Educational Reform Commission dinin report pawh Sorkar laipuiah theh luh a ni tawh a ni a ti a. RMSA hnuaiah High School la awm ngai lohna khaw 23 ah High School din a nih dawn bakah a awm tawh sa 154 lai sak belh turin thlan a ni tawh bawk a ni a ti. Mizorama NIT din turin Sorkar laipui nen inbiak fel vek tawh a ni tiin Champhai, Kolasib, Mamit leh Lawngtlai-ah te Polytechnic din belh a ni dawn a ti bawk.
Minister chuan NLUP chungchang sawiin Mizorama chhungkaw 1,20,000 te tana eizawnna ngelnghet buatsaihna tur Rs. Vaibelchhe 2873.13 chu Central-ah pawm a ni tawh a, hun rei lote ah sem chhuah beisei a ni tawh a ni a ti a. Hma lakna kal mekah Allied department hrang hrang te tih changtlun mek niin Lawngtlai-ah pawh Minor Irrigation Department Sub-Division thar hawn a ni dawn a ni a ti.
Minister chuan kawlphetha leh inkalpawhna kawngah pawh Mizoram Sorkarin chak takin hma a la mek a ni a ti a. Multi Modal Transport Project hnuaiah Lawngtlai leh Myanmar inkar kawngpui tha taka laih a ni dawn a ti a. Mizoram State Health Care Scheme pawh September 2010 atangin tan leh tum a ni a ti bawk.
Minister chuan Ministry of Minority Affairs, Govt. of India atanga tanpuina dawng tura thlan a nih angin Lawngtlai District tan hian Rs. Vaibelchhe 24.30 project siam a ni a ti a. Sorkar laipuiin a rawn pek tawh Rs. Nuai 397.40 chu IAY mi 710 tan leh School leh PHC tih changtlun nan te hman tum a ni a ti bawk. Lawngtlai District-ah hian Integrated Housing and Slum Development Programme (IHSDP) atangin mi harsa te chenna tur in (EWS Housing) 200 sak tum a ni a, Lawngtlai Town Area chawikan nan Rs. Nuai 774.88 ruahman a ni tih a sawi bawk. Minister hian Lawngtlai district mipuite chu Sorkar tawiawm tur leh tichak tura thawhpuiah a sawm bawk a ni.
Minister hian Lairam Motherless Home te, Lairam Christian Medical Center te, Christian Hospital Lawngtlai leh Govt. District Hospital te a tlawh nghal a, Lawngtlai DC leh LADC official te a kawm bawk.
Minister chuan NLUP chungchang sawiin Mizorama chhungkaw 1,20,000 te tana eizawnna ngelnghet buatsaihna tur Rs. Vaibelchhe 2873.13 chu Central-ah pawm a ni tawh a, hun rei lote ah sem chhuah beisei a ni tawh a ni a ti a. Hma lakna kal mekah Allied department hrang hrang te tih changtlun mek niin Lawngtlai-ah pawh Minor Irrigation Department Sub-Division thar hawn a ni dawn a ni a ti.
Minister chuan kawlphetha leh inkalpawhna kawngah pawh Mizoram Sorkarin chak takin hma a la mek a ni a ti a. Multi Modal Transport Project hnuaiah Lawngtlai leh Myanmar inkar kawngpui tha taka laih a ni dawn a ti a. Mizoram State Health Care Scheme pawh September 2010 atangin tan leh tum a ni a ti bawk.
Minister chuan Ministry of Minority Affairs, Govt. of India atanga tanpuina dawng tura thlan a nih angin Lawngtlai District tan hian Rs. Vaibelchhe 24.30 project siam a ni a ti a. Sorkar laipuiin a rawn pek tawh Rs. Nuai 397.40 chu IAY mi 710 tan leh School leh PHC tih changtlun nan te hman tum a ni a ti bawk. Lawngtlai District-ah hian Integrated Housing and Slum Development Programme (IHSDP) atangin mi harsa te chenna tur in (EWS Housing) 200 sak tum a ni a, Lawngtlai Town Area chawikan nan Rs. Nuai 774.88 ruahman a ni tih a sawi bawk. Minister hian Lawngtlai district mipuite chu Sorkar tawiawm tur leh tichak tura thawhpuiah a sawm bawk a ni.
Minister hian Lairam Motherless Home te, Lairam Christian Medical Center te, Christian Hospital Lawngtlai leh Govt. District Hospital te a tlawh nghal a, Lawngtlai DC leh LADC official te a kawm bawk.
Attachment
- Loading attachment...
