Vawiin hian Lawngtlai District chhunga Booth Level Officer ten Lawngtlai BRC Hall ah training an nei a. Booth Level Officer mi 84 zet kalkhawmin BLO hna thawh tur chi hrang hrang an zir ho.

Training petu Pi Saizikpuii, MCS, Election Officer, Lawngtlai District chuan BLO kalkhawm te chu Station Officer niin an huam chhunga inthlan kaihhnawih thila thawh tur awm ang ang chu an kuta awm a ni a sawrkar innghahna an ni a ti a. An hna chanpual te chu an hriain taima takin an thawk thin tur a ni a ti.

He training ah hian Voter’s slip rang zawka sem chhuah dan turte, Polling Party hote lo buaipui dan turte, Vote thlakni a report pek ngai hrang hrang report pek dan turte, Vote thlaktu rinhlelhawm thei deuhte lo chian zung zung dan turte sawi hovin hun kal tawha harsatna an lo tawh tawh hrang hrangte pawh sawi hova hmalak dan turte rel a ni bawk.

BLO training hi Chawngte lamah pawh buatsaih leh tura ruahmanna siam mek a ni.