Vawiin khan Lawngtlai a Don Bosco Higher Secondary School ah kumin MP inthlanna a Lawngtlai District chhunga Duty tur Presiding Officer leh 1st Polling Officer ten nikhat awh training an nei a. Inthlanna fel fai taka kalpui a nih theih nana an tih turte inhrilh hriat a ni.

Vawiina trainingah hian duty tur official mi 181 te kalkhawmin vote thlakna khawl hman dante, vote thlak tura lokal mipuite lo dawnsawn dan leh vote thlak nia thil pawimawh hrang hrangte an zirho a ni.

Training tura kalkhawmte hi Master Trainer Pu Vanlaltanpuia,BDO Sangau, Pu Lalremruata Kullai, BDO Bungtlang South,leh ST Lalvensangi,SDC Vanlalchhuana, SDC leh H. Zonunmawia, SDC Lawngtlai te bakah Assistant Master Trainer Dr. Vanlalringa Bawihtlung, MC Lalrokhuma leh R. Lalsawmliana ten an zirtir a ni.