Vawiin chhun khan BNRGSK Conference Hall Lawngtlai BDO Complex-ah NIC leh Department of ICT, Govt. of Mizoram buatsaih Centralised Public Grievances Redressal and Monitoring System (CPGRAMS) Training neih a ni a. Department hotute leh computer operator te kal khawmin mipui te harsatna thlen chinfel dan an zir ho a. Training hi Lawngtlai District Informatics Officer Pu James Vanlalfakawma\'n a kaihruai a, Pu Lalramnghaka Ralte, ICT Aizawl leh Pu Lallawmkima NIC Aizawl ten zirtirna hun an hmang a ni.

CPGRAMS hi India ram state 3 ah hman tawh niin Mizoram hian 4-na nih tumin hma a la mek a. Public Grievance Redressal atan hian website mipuiaw.nic.in chu siam mek a ni a, February thla chhung hian mipui hman theiha chhawp chhuah hman tum a ni. Training ah hian CPGRAMS software hman dan ngaihthlaka thlir ho a nih bakah zawhna leh chhanna hun te hman a ni bawk.