Vawiin kh an Lawngtlai District Level Committee on Green Mizoram chu Chairman, District Bawrhsap ni bawk Pu J. Hmingthanmawia Office Chamber ah an thukhawm a, June ni 11 a Green Mizoram Day hman dan tur an rel.

Vawiin a thukhawm District Level Committee on Green Mizoram chuan Green Mizoram Day ni hian Department hrang hrang leh District Council tangkawpin thingphun beihpui thlak leh nise tiin an rel a, hetih rual hian nikum lama thing 302 phun zinga damchhuak zo lo 143 te chu phun thar leh nise an ti bawk. Zinglam dar 10:00 AM ah DC Office tualah hunserh hman hmasak nise chuta tang chuan Department tin ten an thing phun tur leh mamawh te kengin an phunna hmun tur theuh pan nghal se tiin an rel bawk.

Kumin Green Mizoram ah hian thing tam tak phun lovin tlem deuh zawk phun a, damchhuak ngei tura theihtawp a enkawl leh ven that nise tia rel a ni a. Department tin ten an thingphun apiang te tha taka hung vek turin beisei an ni bawk. District Level Monitoring Committee, Deputy Conservator of Forests, Central YLA leh Forests Department LADC te awmna din nghal a ni a, an ni hian thingphun te chu a nung tha in an him em tih a khat tawkin enzui reng se, Department thawktha apiang te hnenah lawmpuina hlan thin se tiin an rel bawk.

He Committee ah hian Lawngtlai District Green Mizoram Member Department an tel kim hle a ni.