Vawiin hian kumin inthlanpui a tana din Lawngtlai District Media Certification and Monitoring Committee (DMC & MC) chu a tumkhat nan District Bawrhsap Office ah an thukhawm.

Lawngtlai District Bawrhsap Pu. J. Hmingthanmawia, MCS, Lawngtlai District DMC & MC chairman ni bawk kaihhruaia thukhawm hian inthlanpui kan hmachhawn tura DMC & MC in a hna thawh tur Election Commission of India in a tarlante felfai taka kalpui dan turte sawi hovin Committee peng dangte nena inthlunzawm dan turte sawi ho a ni a. Hma lak zel dan tur ruahmanna te pawh siam nghal a ni.

He Committee ah hian District Bawrhsap chu Chairman a ni a, Election Officer chu Member Secretary niin member ah Tuichawng leh Lawngtlai West Constituency aiawh Returning Officer pakhat ve ve, District Information and Public Relations Officer leh chanchinbumi aiawh pahnihte an tel a ni.