Electoral Roll Observer, Pu Sangdingliana, Mizoram Sorkar a Secretary, Art & Culture leh Land Resources, Soil and Water Conservation hovin vawiin khan Electoral Roll rintlak, dik leh felfai tak neih a nih theih dan tur Lawngtlai ah sawiho a ni.

Pu Sangdingliana chuan Electoral Roll buaipui chu hna hautak, inthlahdah theihloh, fimkhur taka thawh ngai a nih vangin, a buaipuitute chu inpekna tak tak nen thawk turin a chah a. Lawngtlai District chhunga Assembly bial pathum - Tuichawng, Lawngtlai West leh Lawngtlai East-a Electoral Roll siam mekah te, Political Party te leh E/Roll buaipuituten nasa zawk a tan an lak a pawimawh thu a a sawi.

Vawiin a Electoral Roll Observer hova Meeting neihah hian ERO leh AERO te bakah BLO te leh thutharlakhawmtute an tel a; Lawngtlai District chu Myanmar leh Bangladesh nen International Boundary thui tak nei a nih vangin Electoral Roll rintlak tak nei turin fimkhur zual a tul thu sawiho a ni a, hmun hnih emaw, a aia tam a vote nei engemawzat an awm thin thu leh, heng mite zawnchhuah kawngah tanrual a pawimawh thu te, BLO atan ziirtirtute an hman tam thin vanga Zirna In a a khawih dan te leh Election Branch thuam that a tul thute sawiho ni bawk a ni.

Vawiin Meeting ah hian Additional DC, Dr. Andrew H.Vanlaldika,  Election Officer Rochuangkimi Khenglawt leh DRDA Project Director R.Lalremsanga ten Observer Pu Sangdingliana hi an tawiawm.