Vawiin
khan Chapchar Kut Celebration Committee chu DC Conference Hall, Keifangtlangah
an thukhawm.
He thutkhawm hi Pu Liansangazuala Chhakchhuak, Addl DC chuan kaihruaiin Chapcharkut hi Mizo te tan chuan kan hun pawimawh tak, Independence Day tlukzet a kum tin kan hman thin a ni a, Mizo te tan chuan a hlu em em a ni a ti.
He hunah hian nikum lama Chapchar Kut lo kutken tu Sub Hqrs YMA te hnen atangin sum an hman ral dan leh an indaih loh dan te bakah harsatna an tawh te ngaihthlak a ni a, nikum khan Chapchar Kut lawmna atan Sawrkar in cheng nuaih 2 a pek chuan daih lovin SYMA pawisa cheng sang 8 an hman belh thu ngaihthlak a ni a, item hrang hrang an neih mal zai, branch leh SYMA zaipawl te bakah mizo hnam lam hrang hrang leh Zomi Cultural Club sawm an nih dan te tarlan a ni.
Kumin Chapchar Kut lawmna atan hian sawrkar cheng nuaih 3 a pe a, hetianga sawrkar atanga an sum hmuh a pun tak avangin kum dang aia pui zawk leh mipui te tam zawk an fuan khawm theihna tura programme siam nise an ti a, hetihlai hian Khawzawl in Chapchar Kut an hman ve na tur sum an dil chu an sum mamawh te ngaihtuah in pek lo mai nise tiin an rel bawk.
Committee chuan March ni 1 ah Kut hi hman nise tiin a rel a, Chapchar Kut hmanna hmun tur leh Kut Pa tur bakah tul dang dang te ngaihtuah turin DC Chairman na hnuaiah Sub Committee a din a, he Sub Committee ah hian NGO hrang hrang te bakah DEO leh District Library te an tel a, an ni hian a tul ang ang te an rel fel hnuah Feb ni 5 ah Addl DC hnenah thehlutlehin an thlir nawn leh dawn a ni.
Committee chuan Chapchar Kut thlen dawn karah Sawrkar hnathawk leh Private hnathawkte chu mizo thuam a inthuam leh vek tura ngen nise tia relin College zirlai naupang te pawh hemi hunchhung hian Mizo thuam a inthuam theuh tura ngen ni se an ti bawk.
