Vawiin khan Mizoram sawrkar hmalakna hnuaiah ruihhlo ngaite enkawldan leh a kalphung zirchiang tura thlanchhuah mi 30 te chu TTK Hosiptal Chennai-ah ni 9 chhung ngawrh taka training nei turin Social Welfare Department Secretary Pi K Vanlalrawnin chuan a vailiam a ni.
New Secretariat Complex-ah heng mite thlahna hun tawi hi hman a ni a. He hunah hian training tur te pualin Pi Laldikkimi, Director Social Welfare chuan training tur chungchang, sawrkar hmachhawp leh fuihna thu a sawi a ni.
Mizoram sawrkar chuan ruihhlo ngaite enkawlna 'De-Addiction Centre' tih changtlun a, tih hmasawn hi a pawimawh zia hriain, chak takin hma ala mek a. A vawi khatna atan, training tur te hi Mizoram chhunga De- Addiction Centre' hrang hrang hnathawk mek te zing atanga thlanchhuah an ni. Mizoram Social Defence & Rehabilitation Board (MSD&RB), Social Welfare Department hmalakna a tirhchhuah an ni a. Heng training na senso zawng zawng pawh sawrkar tum vek niin ruahman lawk dan chuan 13th February 2019 ah training a kal te chu an lo kir leh dawn a ni.
