Vawiin khan SP Office Conference Hall, Mamit-ah Pu Shashank Jaiswal, IPS, SP Mamit kaihhruainain kum kalta 2018 leh kumin 2019 chhunga Crime Review Meeting neih a ni.

Meeting-ah hian Kum 2018 chhunga Mamit District-a Crime ziahluh dan tlangpui tarlan niin Case ziahluh zawng zawng hi 158 a ni a. Investigation tih zawh tawh Case 113 niin Investigation kallai mek hi 34 a ni. Cases Convicted 66 awmin Cases Acquitted/Discharges hi case 3 a ni a. An mi man zawng zawng zat hi 167 niin mi 63 Convicted an ni a. Court a trial mek 67 a awm bawk.

Mamit District-a 2018 chhunga Case lian (Serious) zualte Meeting-ah hian tarlan niin Murder Case 5, Rape Case 3 bakah naupang pawngsual/khuaikhem (POCSO) Case 16 -te an ni.

2018 chhunga Case Register tam zualte chu Rukruk Case 41, In rawk (Burglary) Case 27 leh Zu Case (MLPC Act) 16-te an nih thu Meeting-ah hian tarlan a ni bawk.

Vawiin Meeting-ah hian Mamit District chhunga Law & Order chungchang, venhimna lam leh Border Issue-te, Public Relations leh Community Policy chungchang, CAB avanga dan lova lo luh tum uluk zawka vil leh ILP Checking chungchangte bakah Police Discipline chungchangte sawiho a ni a. Hmalak dan tur hrang hrangte sawiho nghal a ni bawk.

He hunah hian Pu C. Vanlalvena, Addl.SP Mamit, Pu Jacob Hlychho, SDPO Mamit, Pu Lalhmangaihhlua, SDPO Kawrthah, Pu Zarzoliana, SDPO W. Phaileng, Mamit District chhunga Police Station paruk leh Out Post atangin Officer-in-Charge-te leh Case IO zawng zawngte bakah Crime Reader-te an tel a ni.