Mamit District faina kawnga hmalakna atan District chhung khaw hrang hrangah PHED Mamit Division Swatch Bharat Mission (Gramin) bultumin Children Sanitation Club din beihpui thlak tan a ni a, Nimin khan W. Phaileng ah a hawnna hun hman a ni.

He hun hi Pu Rosiamliana, SDO PHED, W. Phaileng chuan kaihruaiin Swachhagrahi(Sanitation Campaingner) leh Children Sanitation Club Convener Pi Laltharzeli chuan W. Phaileng RD block chhung  atan Children Sanitation Club a hawng nghal a ni. Pi Mathari chuan Mamit District chhung khaw 84 ah Children Sanitation Club din turin W. Phaileng ah bul tan a nih thu sawiin CSC tinah Swachhagrahi pakhat zel leh RD block tinah 2 zel dah an nih tur thu a sawi a. Naupang te hnena faina chungchanga zirtir pek chu kan ram faina leh hriselna atan thil pawimawh tak a ni dawn a ni a ti bawk.

Nimin-a Children Sanitation Club hawnna hun hi hun hnihah then a ni a, Chawhnu hunah hian Pu Victor Lalawmpuia SDO (C) chuan kaihruaiin naupangte atanga faina kawnga bul tan chu thil pawimawh tak a ni tih sawiin W. Phaileng Mamit District tan thil chhinchhiah tlak tak a ni a ti bawk. Pu Victor-a chuan W. Phaileng khua-in faina kawngah VC, YMA leh MUP te nen ruahmanna felfai tak neiin dawr leh chhungkaw tin ten faina kawngah tha thawhin sum leh pai an sen thin chu,  naupangte nena kan tanrual chuan khawfai leh block fai tak an nih chhoh a beisei thu a sawi bawk a ni. 

W. Phaileng RD Block chhungah hian khaw 8 ah Children Sanitation Club  din ni tawhin khaw 23 ah din tum a ni a, Mamit District chhungah CSC 11 din tawhin khaw 84 ah din tuma hmalak tum mek a ni.

Children Sanitation Club dinna hun W. Phaileng khua-a neihah hian Club memberte hian faina kawnga hmala tura thutiam tharna neih niin faina kawng zawh neih nghal a ni.

Sanitation Club dinna hun hman zawh a nih hnu hian naupang ten faina kawngzawh an nei nghal a ni.