Vawiin hian Serchhip DC Conference Hall ah Planning & Programme Implementation Department ten District Level Planning chungchang inhrilhhriatna leh zirhona (sensitization workshop)hun an buatsaih.

He hun Pu Chuauhnuna, Addl. DC kaihhruaiah hian Pu Lalchhuanawma Hrahsel, Director, Economics & Statistics Department chuan hetiang hun an buatsaih chhan sawifiah hmasa in; UNO kaihhruaina hnuaiah Sustainable Development Goals 2030 mumal tak siam niin chu Goals pawmtute zingah chuan India sawrkar pawh a tel a. Sawrkar hmalakna tinrengten he Goals hawi zawnga ruahmanna a siam a tul avangin sawrkar laipui chuan a ngai pawimawh hle a. Mizoram sawrkar pawhin hemi chungchang inhrilhhriatna hi tunah hian District tinah kan buatsaih chho ve mek ani, a ti.

He hunah hian Sustainable Development Goals chungchang Pu Lalrinliana, Economist in zirtirna a pe a, Pu Lalchhuanawma Hrahsel, Director, Eco & Statistics hian District Planning Committee chungchang zirtirna  a pe a. Pu Lalthlamuana, DRO, Aizawl in Developning Database in the statistical cell of Line Department chungchang sawiin Pu C. Vanlalengkima, Scientist, Science & Technology chuan Remote sensing leh GIS chungchang zirtirna a pe bawk a ni.

Mithiam ten thusawina hun an hman zawh hian kalkhawm ten zawh duh an neih te zawhna hun leh sawihona hun te neih chhunzawm a ni a. Pu Lalthangmawia, Inspector, DRO, Serchhip in vote of thanks a sawi a ni.