Vawiin khan Lawngtlai District pumah Green Mizoram Day 2014 hman a ni a, a hmanna pui ber chu Lawngtlai khawpui chhungah niin Department hrang hrang leh LADC sorkar department ten thing tiak phunin hun an hmang.           

He hun hmanna inkhawm hi tukin dar 10:00 AM khan DC Complex ah neih hmasak a ni a, he hun hi Pu R. Lalsangluaia, MCS, Addl.DCchuan kaihruaiin Pu V. Zirsanga, CEM, LADC chu  khuallian a ni. Khuallian hian thu sawiin ram venhim hi nunna venhimna a ni a, ram kangkanveng te leh thingkanphun te  hian nunnakanhumhalh tihna a ni. Lawngtlai District ah kumin chhungin ram a kang nasa hle mai a, a pawi in a zahthlak hle a ni hun lo la awm turah chuan hetianga ram a kan tawh loh nan Mizoram sorkar, District Council leh Tlawmngai pawl te chak zawk a kan thawh theuh a ngai a ni. Vawiin ah kangmei laka ram vengtha khua chawimawi tlak eng emaw zatkanawm thei hi a lawmawm tak zet a, tha taka ram venghim zelturinka ngen bawk che u a ni, tiin kalkhawm te a chah a ni.           

Khuallian hian Lawngtlai District chhunga kangmei laka ram venghim tha khaw pathum hnenah lawmman a hlan nghal a, lawmman dawng khua te leh an lawmman dawn chu a hnuaia mi ang hi a ni.

Inkhawm kaihruaitu Pu R. Lalsangluaia pawhin thu sawiin thingphun tura rawn thawkchhuak Department hrang hrang a thawktu te chungah lawmthu a sawi a, an thingphun te chu uluk taka enkawl zui tur leh a khat tawk a, tlawh fo turin a ngen a. Mipuite zirtirtu an nih inhria entawn tlaka leilung venhim hna thawk thin turin a ngen bawk.        

Vawiin hian Department hrang hrang ten thingtiak 500 vel an phun a, khawpui chhung hmun remchang laiah leh mahni office complex remchang ah theuh thing hi an phun hlawm a, nikum lama phun tawh nung tlang ta lo hmun 143 a mi te chu a thara thlak nghal an ni bawk.     

District Level Committee chuan heng thingtiak phun te hi enkawl chhunzawm an nih theih nana hma la tu tur Monitoring Committee a din nghal a, an ni hian thingphun zawng zawng te hi a phuntu Department ten an enkawl chhunzawm in an nung tha ngei em tih a en thin dawn a ni.