India ram zalenna champha phak vawi 66 na chu Lawngtlai-ah ah ropui taka hman a ni a, Pu. PC Lalthanliana, Minister of State chu khuallian a ni.

He zalenna champha lawmna ah hian zing ni chhuah rualin sawrkar pisa tinah India hnam puanzar chu zar a ni a. A lawmna pui ber chu Central YLA Ground-ah hman niin zing dar 10 ah Khuallian chuan Hnam Puanzar a pawt pharh a. Hemi hnu hian Lawngtlai khawpui chhunga police leh school parade contingent sawmhnih leh pariat te chu endik lehin hnam puanzar chibai an bukna chu a chhang let bawk a ni. Parade te hi Armed Contingent pakhat, Unarmed Contingent pasarih, School Contingent sawm leh pariat leh Pipe Band pakhat, an vaiin contingent 28 an ni.

Thu sawiin khuallian chuan mahni a ro inrel theia India ram a lo awm theihnana an theihna zawng zawng hlantu hnam pasalthate chu vawiin ni hian kan hre renga. India hnampa Mahatma Gandhi te, Pandit Jawahar lal Nehru te leh hruaitu ropui tak tak te chu thinlung taka chuangin zahna kan hlan a ni a ti a, khang hruaitu ropui kal ta te duhthusam ram thleng turin thangtharten mawhphurhna lian tak kan nei a ni a ti bawk. Khuallian hian Mizoram pawhin kawng hrang hrangin hma kan sawn nasa hle a, kumkhat kalta chhung a sawrkar in hmasawnna a neih hrang hrangte tarlang in 11 chu 11 per cent laiin a pung a India ram pumpui thanna 7.8 per cent kan khum hneh hle a ni a ti a.

NLUP lama hmasawnna te, Dan leh Hrai kenkawh thuah te, Remna leh Muanna vawnhim thuahte, Ram hmasawnna ruhrel siam kawngah te, Hriselna leh Infiamna lama hmasawnna kawngah Mizoram chu a thang chak hle a ni a ti bawk.

Kum 5 an sawrkar chhunga tha taka sawrkar thawhpuitu tlawmngai pawl, kohhran leh zoram mipui zawng zawngte chungah lawmthu a sawi a, kan hma lawka inthlanpui awm turah ram mipuite chu Democracy ram kan nih ang ngeia zalen taka vote thlak theuh turin a chah bakah, vawiin ni a India ram zalenna ni champha lawm tura lokal zawng zawngte chungah lawmthu a sawi bawk a ni.

Khuallian hian Parade naa ti thate leh Independence Day puala intihsiakna hrang hranga lawmman latute hnenah lawmman semna a nei nghal bawk.