Vawiin hian Lawngtlai District Election Officer Pu. J. Hmingthanmawia chuan Mizoram inthlanpui 2013 result chhiar ni Dt 9.12.2013 atan Information Centre changtlung tak siam a nih tur thu a tarlang a, inthlan result rang taka inhriat pawh zung zung theihna tur leh result ngaichanga a hmuna kalkhawm mipuite felfai zawka hrilhhriat nana buatsaih a nih thu a tarlang tel bawk.

He information Centre hi vote thlak ni pawh khan mumal taka siam a lo ni tawh a, Polling Station hrang hranga kal engemaw avanga harsatna neiten an hmang tangkai hle a ni. Vote chhiar ni ah pawh hian District Election Nodal Officer for Media Pu K. Saitluanga, MIS Lawngtlai District DIPRO ni bawk hovin buatsaih leh a ni anga, an room tur leh staff turte pawh ruahman fel sa vek an ni tawh a ni.