MLA General Election, 2013 neih meka election duty-a kal thenkhat, Postal Ballot thlak ve theih loh avanga sawi neuh neuh a awm nia hriat a ni a. Chuvangin Postal Ballot chungchanga thil nihphung mipui hriata puanzar ve tula hriat a ni a, hetiang hi thil awmzia a ni e.

Sorkar motor-te hi November 1, 2013 atangin man tur an ni tih (requisition order) hriattir tan an ni a. Requisition Order-ah hian a motor number, department hming leh an in-report ni tur (date) chiang taka ziah lan vek a ni.Heng motor khalhtute hian election duty an nih tur chu requisition order chhuah atang hian an hre tur a ni.A tam zawk chu November 18, 2013 hmalama requisition order chhuah deuh vek an ni a. Tul thutna avanga hemi hnua lama man chawp pawh tlema zawng chu an awm ve bawk. Sorkar motor kan man (requisition) khalhtute leh election duty-a hman officials dang zawng zawngte tan November 21, 2013 thleng postal ballot dilna hun hawn a ni.

Director, I & PR kaltlangin heng a hnuaia chanchinbuahte hian November 21, 2013 hi postal ballot dil theih hun tawp ber a ni tih puanzar a ni:-

Vanglaini, November 19, 2013-ah

Thlirtu, November 20, 2013-ah

Hnehtu,November 19, 2013-ah

National Observer, November 19, 2013-ah

The Mizoram Post, November 19, 2013-ah

Aizawl Observer, November 19, 2013-ah

Youth Herald, November 19, 2013-ah

Tawrh Bawm, November 19, 2013-ah

Lenlaini, November 19, 2013-ah

November 21, 2013 thleng Postal Ballot dilna hun hawn a ni chung hian Drivers leh Police thenkhat chu November 22, 2013 chawhma lamah thleng khan dawnsak an ni hial a ni.

Postal Ballot chungchangah hian Election Office, Aizawl chuan a tihtur ang chu a ti a, election duty-a chhuak tur thenkhatten a huna an apply lo a nih chuan puih ngaihna an awm tawh lo a ni.