Vawiiin khan Lawngtlai khawpui chhunga lei tlahniam thin leh leimin hlauhawm zual lai te venna siamdan ngaihtuahin District Disaster Management Authority te leh Exell Consultancy Firm ten an enfiah.

Disaster Management and Rehabilitation Department te hmalakna kalzelah vawiin khan Lawngtlai khawpui chhunga kumtin leimin awmna Central YLA Field sir ; tuna Field tana hlauhawm tak ni tawh leh Bazar Veng a lei tlahniam, Bazar mual mawng khawpui chhung tana hlauh thawnawm tawh bakah Lawngtlai III a National Highway paltlang chatuan lei tlahniam an tih mai te ven dan tur ruahmanna siam tura an rawih Exell Consultancy Firm te chu heng hmun te hi a hmunah enpuia zirchian an ni a. He Consultancy Firm hian Project siamin Disaster Management & Rehabilitation Department kaltlangin Central ah an thehlut leh dawn a ni. Lawngtlai mai bakah Mizoram hmun hrang hrang a hetiang ang chhiatna thlen hlauhawmna hmun pawimawh zual te pawh Department hian Consultancy Firm kaltlangin a venna tur Project an siam dawn bawk.

Vawiin a Lawngtlai khawchhung enfiahna hi District Disaster Management Authority lam atangin Addl. DC Pu R. Lalsangluaia bakah he authority hnuaia Team of Officers memberte leh Exell Consultancy Firm Engineer te an tel a ni.