Tukin zingkar khan AH & Vety Minister Pu C. Ngunlianchunga chuan Lawngtlai-a Rural Slaughter House sakna tur a en.

Rural Infrastructure Development Fund (RIDF) hnuaia Rs. 200 lakhs senna tur Project, Lawngtlaia sak tur ruahmanna awm mek ah a sakna hmun tur thlanfel a la nih chiah loh avangin Minister hian a hmun atana riruang deuh pahnih Pu L.C. Rokunga ram leh Chengkawllui kam ram te a en a, heng ram pahnih atang hian Department in tha a tihna zawkah hna a tan dawn a ni. He ran talhna In ah hian Chowkidar Quarter, inthlakna room, Site Office leh Inthiarna tur te a awm a ngai a, chu bakah hmun hma rem leh tlawh pawh nuam a nih a ngaih bawk avangin a hmun tur hi uluk taka enfiah a nih tur thu Minister hian a sawi a. Heng mai bakah hian tuichhia leh bawlhhlawh paihna tur Effluence Treatment Plant pawh he project hian a keng tel dawn a ni a ti bawk.

He Rural Slaughter House sakna tura Project hi peih fel tawh niin, tunah hian State Sawrkar kutah a awm mek a, a hmun tur thlanfel a nih veleh a sak hna tan nghal theih a ni tawh a ni.

Tukin a AH & Vety Minister-in Rantalhna tur a en hi Lawngtlai College Veng VC, YLA leh Lawngtlai Satalh Association a hruaitute bakah LADC a Executive Member Pu H.Chhuanawma leh District AH & Vety Officer Pu Nunhlima leh Official thenkhat ten an tawiawm a ni.