Nimin khan MPSC Chairman Pu K.Riachho chuan Lawngtlai chu MPSC Exam Centre dahna tlak a nih leh nihloh a enfiah a, Pu J.Hmingthanmawia DC kaihhruaina hnuaiah nimin khan DC Conference Hall ah Department thenkhat helam kaihhnawih hotute, LADC aiawh, Tlawmngaipawl leh Chanchinbumite Meeting a neihpui a ni.

MPSC Chairman chuan Lawngtlai a Exam Centre hawn a nih theih nan hmalakna thuitak kalpui a nih tawh thu te, a hmun a enfiah a nih hma in Exam Centre hawn nana pawimawh te Lawngtlai in a neih leh neih loh DC lamah zawh vek a nih tawh thu leh DC lam pawhin zawhnate an chhan vek tawh thu a sawi a, Furniture chungchang a duhthusam tlinglo deuh awm ni a lang chungchang a sawichhuah chu DC leh LADC lam chuan tihphuisui har lo tur a an ngaih thu an sawi a ni. Meeting a telte chuan Exam Centre neih ngei chu Lawngtlai in a mamawh in a phu hle ni a an hriat thu MPSC Chairman hi an hrilh bawk a ni.