Nimin leh vawiin khan Lawngtlai District chhunga kum 2014 – 2015 Prime Minister Employment Generation Programme (PMEGP) tanpuina diltute Interview DC Office ah neih a ni.

Lawngtlai District chhungah hian PMEGP hnuaiah Target Beneficiaries 65 a awm a, heng zinga 47 hi Khadi & Village Industries Target niin a dang 18 te hi District Industries Office Target a ni a, hetih lai hian Lawngtlai District chhung atangin PMEGP diltu mi 424 an awm thung.

PMEGP dawngtu tur thlanchhuahna Interview hi nimin atanga neih tan niin DC Office ah Room 2 ah kalpui a ni a, room khatah District Bawrhsap Pu. J. Hmingthanmawia Chairman na hnuaiah neih niin room dangah Addl. DC Pu R. Lalsangluaia Chairman na hnuaiah neih a ni thung. Diltu an tam avangin vawiin lamah pawh interview hi neih chhunzawm zel a ni a, vawiin ah hian zawh hman beisei a ni.